«Тыва дыл болгаш чогаал эртеминге  уругларның бот-идепкейин болгаш сонуургалын сайзырадыры»

Сорулгалары:  Янзы-бүрү аргаларның ажыглап тургаш,  уругларның эртемге бот-идепкейин болгаш сонуургалын  бедидери».

Угланыышкыннары:

•    башкылаашкын ажылында чаа-чаа технологияларны шиңгээдип алыры;
•    янзы-бүрү көргүзүг материалдарын кичээлдерге ажыглаары;
•      уругларның бот-идепкейин болгаш эртемге  сонуургалын бедидери.

         Ажылда кол бодал:

•          Янзы-бүрү арга-методтарны ажыглап тургаш база кичээлдиң аңгы-аңгы хевирлерин эрттирбишаан, уругларның эртемге сонуургалын болгаш бот-идепкейин өске эртемнер-биле холбап тургаш  бедидери.      
•          Уругларның сонуургалын болгаш бот-идепкейин бедидерде:
• уруг бүрүзүнүң арга-шинээн көрүп тургаш өөредири;
•  деңнел аайы-биле янзы-бүрү көргүзүг материалдарын кичээлдерге ажыглаары;
•      уругларның деңнелиниң аайы-биле тускай онаалгаларны бээри.

         Чедип алыр түңнелдери:

•      частырыг чок шын чугаалап, бижип билиринге чаңчыгар болгаш билиг шынары бедиир;
•      уругларның эртемге ханы  сонуургалы  болгаш бот-идепкейи бедиир;
•     класстан дашкаар ажылдарга уругларның киржилгези экижиир;
•    чогаал маадырларынга даянып тургаш, уругларның мөзү-шынар кижизидилгези экижиир.

              Келир үеде кылыр ужурлуг чүүлдер:

•     уруглар ажылдарын чыып, «Чаа орук», «Сылдысчыгаш» солуннарының арыннарынга  парлап үндүрер;
• 11 дугаар класстың чогаал эртеминге  ажыглаары-биле аажылчын кыдыраашты белеткеп үндүрер.

      Түңнээрде көөр ужурлуг чүүлдер:

• Уругларның кижизидилге болгаш билиг деңнелиниң хыналдаларының анализи;
• Уругларның күрүне болгаш  шилчилге экзаменнерде ажылдың кылганының шынары.

     Ажылдың киржикчилери:

•     кожууннуң тыва дыл болгаш чогаал башкылары;
•      школаның ортумак  улуг чаданың өөреникчилери.

Ажылды чорударының чадалары:

•          тыва дыл болгаш чогаал эртемнеринге янзы-бүрү дидактиктиг материалдарны (рейтингилиг хыналдалар, тестилер, даяныр конспектилер, деңнел аайы-биле карточкалар)  тургузарының аргаларын өөренири болгаш тургузары;
•   чаа чүүлдерге даянып тургаш, улаштыр ажыл чорударының аргаларын көөрү.

     Ажыл-чорудулганың онзагай талалары:

• Башкының ажылының түңнелинде уругларның бот-идепкейи улгадып, боттары билиг чедип алырының аргаларын дилеп, номчулгага сонуургалы улгадыр.
• Уругларның билиг шынарын  бедидеринге идиглиг.
•     Эртемге сонуургалын улгаттырар болгаш бот-идепкейин бедидер.